INTERVISTË ME TANJA LA CROIX
 

Kur përmendet Zvicra gjërat e para të cilat na shkojnë ndërmend janë Alpet, çokollatat dhe orët. Mirëpo ky vend fsheh shumë më shumë nga gjërat e lartpërmendura. Më datë 21.10.2009 studentët e UEJL-it thjesht u mahnitën nga talenti i kryqëzuar me bukurinë e Supermodeles zvicerane Tanja La Croix. Me siguri secili prej nesh dëshiron te dijë pak më shumë mbi atë krijesë mahnitëse që e shndërroi natën e 21 Tetorit në një natë shumë energjike. Euroideja shfrytëzoi rastin për ti mare një intervistë të shkurtë kësaj muzikanteje.

 1. Të qënurit Supemodele dhe DJ, mund të na zbuloni se si është bërë lidhja mes këtyre dy profesioneve?

T: Fillova të merrem me modë qysh nga mosha 17 vjeçare, atëherë isha një vajzë tejet e re dhe pa eksperiencë dhe padyshim e magjepsur nga bota e modës. U ndesha me qytete te ndryshme si Paris, Milano,Tokio për gjashtë vjet rrjesht. Kapërcimi prej modelimi në muzikë u bë nëpërmjet shokut tim më të ngushtë që më njoftoi me disa personalitete te njohura të muzikës. Dhe duke marrë parasysh se qysh e vogël kam adhuruar dhe ka luajtur në piano ëndrra ime e parealizuar rreth muzikës filloi të shndërrohej ne realitet.

 2. Ç’farë mendoni se është më e rëndësishme për një DJ, seleksionimi i këngëve ose teknika e përzierjes?

T:Të dyja kanë rëndësi ekuivalente, gjithçka varet prej audiencës, atmosferës dhe asaj se ç’farë kërkohet prej një DJ në një natë të posaçme.

 3. Cili ka qenë ndikim më i madh mbi ty gjatë viteve?

T: Përgjigja e kësaj do ishte muzika orientale. Nuk e di pse jam shumë më e tërhequr prej tingujve melodramatik të këtij zhanri.

 4. Të qënurit DJ dhe Supermodele në të njëjtën kohë është pak specifike. Na tregoni si ka ndikuar njëri profesion mbi tjetrin?

T: Duke u nisur nga profesioni im i parë të cilin unë sot më pak e praktikoj, mua mu krijua një urë për të kapërcyer tek i dyti, mendoj se nga vetë fakti që hyra në një botë të tillë përmes modës mu hap porta drejt muzikës.

 5.Cili është albumi yt i parë?

T: “A trip to Bikini Island”- ka një titull karakteristik, mirëpo historinë e tij do ua tregoj njëherë tjetër, (buzëqesh lehtë).

6. Ç’farë të duket më sfiduese, të incizosh këngët e tua apo të krijosh muzikë duke huazuar prej tjerëve?

T: Definitivisht opsioni i parë.

 7. Si ka ndryshuar stili yt përgjatë karrierës?

T: Dita-ditës sfidohem me gjëra te reja mirëpo e dini shumë mirë frazën “Ç’farë nuk të vret, të bën më të fuqishëm”. Kjo është motoja që unë përdor. Por, vetëm një gjë nuk mund të ndryshojë sa i përket stilit tim. Ai është stili “Catwalk”.

8. Ç’farë tipi i muzikës je ti, tip i lyrics-ave ose i ritmit?

T: 100% përkrah ritmin.

 9. Me siguri përballesh me shumë zhanre të muzikës mirëpo njëri duhet të jetë kryesor. Cili është zhanri unik i Tanja La Croix?

T: Zhanri progresiv dhe sigurisht mix-i i hiteve verore.

 10:Ç’fare mjetesh përdor zakonisht?

T: Dy mjete magjike: Pinoer-800 dhe Efx-1000.

 11. Cila është eksperienca jote më e mirë dhe më e keqe?

T: Eksperienca ime me e keqe ishte kur një nate në Space Mykonos katër vjet me pare duheshe të performoj mirëpo kishte mungesë të rrymës dhe gjithçka u shua, ishte një black-out komplet. Njerëzit filluan të nxjerrin tinguj si boo-hoo dhe unë lutesha që në momentin kur të vijë drita salla të jetë e zbrazët, por nuk ndodhi kështu. Salla u ndriçua britmat ende ishin aty, kurse ende kishte problem me muzikën. Por, e inkurajova veten duke u bindur se edhe dështimi është pjesë e suksesit. Mblodha forcat dhe fillova të performoj. Njerëzve u pëlqeu, ishte si një i besim i verbër. Dhe nata me e keqe u shndërrua ne natën më të mirë për mua.

 11. Cilat janë planet tua për të ardhmen?

T: Planet e mia konsistojnë në koncentrimin tim ndaj profesionit të DJ, sepse thjesht adrenalina ime zhvillohet prej këtij akti. Kështu që shpresoj se do kem sukses ne sfidat e ardhshme qe mi vendos jeta.

Ju falënderojmë që ndatë kohë për këtë intervistë dhe shpresojmë se do kemi fatin qe t’ju kemi përsëri këtu në UEJL.

Erlina Tafa
Denis Kajmakçiu

Elvana Gjata në Brucoshiadën 2009 në UEJL

Dante Aligeri njëherë shkroi:”Kujtoni këtë natë se është fillimi i përjetësisë. Një premtim si një shpërblim sepse kemi vazhduar përmes jetës kaq gjatë vetëm. Si një besim në njëri-tjetrin dhe mundësi e dashurisë. Një vendim për të injoruar dhe thjesht për t’u ngritur mbi dhimbjen e së kaluarës. Një besëlidhje, e cila menjëherë i lidh dy shpirtra dhe nuk shkëput lidhjet e para. Festim i mundësive të shfrytëzuara dhe sfidave që gjenden përpara. Dy do të jenë gjithmonë më të fortë se një. Ashtu si një skuadër mbajtëse  kundër stuhive të botës. Dhe dashuria gjithmonë do të jetë fuqi udhëzuese në jetën tonë. Kjo natë është formalitet i thjeshtë. Vetëm një njoftim për botën e ndjenjave të mbajtura gjatë, premtimet e bëra kohë më parë në hapësirën e shenjtë të zemrave tona”.

07.10.2009 me të vërtetë ishte një natë që gjithmonë duhet kujtuar sepse nuk vihet në dyshim se ka impresionuar studentët e UEJL-it. Një festë mikpritëse për vitet e para e ashtuquajtur “Brucoshiada”, ka gdhendur kujtime të bukura ne kujtesën e atyre qe ishin prezent. Këtë vit Unioni i Studentëve u përpoq dhe arriti qe për kënaqësinë e studentëve të sjellë këngëtaren e mirënjohur në skenën mbarëkombëtare, Elvana Gjata.

Pa dyshim që Elvana dukej e mrekullueshme si një siluetë marramendëse që arrin të hipnotizojë audiencën e saj përmes bukurisë që ka dhe zërit të saj të ëmbël.

Mirëpo e veçanta e kësaj nate qëndronte në vetë faktin se kjo natë ishte një simbolikë për studentët e vitit të parë qe i shpien drejt një udhëtimi ku ata do te duhet të ballafaqohen me gjëra të papritura,të zhvillojnë një anë të personalitet të tyre duke u ndeshur me tipe të ndryshme dhe me sfida që do jenë te pashmangshme. Sepse sado e vështire të jetë jeta studentore,përsëri ajo në çdo minutë të saj është tejet e bukur. Prandaj mos lejoni të harxhoni edhe një sekondë nga ajo,sepse një sekondë e harxhuar është një sekondë nga ky realitet që nuk do të mund ta ktheni mbas.

Anketim në lidhje me kolokuiumet  në UEJL

Të kesh një rini të shëndoshë nuk është më pak sesa të kesh një bombë atomike, ndërsa të jetë edhe e arsimuar, do të ishte sikur të kesh një të ardhme me plotë shpresë. Nuk ka dyshim se sot rinia shqiptare është duke e derdhur trurin e saj nëpër zbatica të kohës dhe me të madhe bëhet sakrificë e sfidave të saja. Koha kalon dhe ato ashtu kacavirren dhe mundohen të hedhin qoftë edhe një hap përpara. Dëshira për tu arsimuar , për tu emancipuar dhe për të arritur diçka në jetë është stimuli i vetëm, shpresa e vetme që i mban ato në këmbë dhe  ndihmon tu dalin ballë gjithë pengesave. Ndoshta duket paksa mendim pesimist por në të vërtetë të jesh student nuk është aspak e lehtë. E dimë që është pak kontradiktore me atë që na e tregojnë se ”jeta studentore” është një kënaqësi dhe një nga gjërat më të bukura që mund ti ndodh një njeriu dhe ne këtë nuk e mohojmë aspak  por, përveç kësaj mrekullie ekziston një re e zezë. Sinonim më i përshtatshëm për këtë “re të zezë” nuk do të ishte asgjë tjetër përveç periudhës së provimeve. Ajo që shkakton një farë lloj revolte mund ta quanim edhe pse një fjalë e ashpër është mbingarkesa në kohën e provimeve .

            Për  të  gjetur më tepër informacione lidhur me këtë çështje  ne e pamë të arsyeshme  të  marrim opinione nga studentët e Universitetit të Europës Jug-lindore. Anketimi që ne morëm  përsipër rezultoi  kështu:

·         Periudha e provimeve mendoj se është problem për të gjithë studentët. Shembull për këtë mund ta marr veten time ku e gjej më se të vështirë kur brenda një jave më është dashur të testohem në të gjitha lëndët.

·         Periudha e provimeve është e mbingarkuar dhe përveç kësaj mungon edhe mundësia e  lëvizjes  së datës  së provimit.

·         “Unë” mund të them se jo çdo herë periudha e provimeve paraqet pengesë dhe një vështirësi të pakalueshme, por në rastet kur brenda një jave bëhen më tepër se 3 provime atëhere këtu lind një situatë stresuese për studentin.

·         Mendimi im për këtë çështje është se e gjej mjaft të vështirë që  si studente e vitit të parë të mund të zë një ritëm kaq të shpejtë për tu përballur me 6 kolokviume brenda një jave.

Përveç këtyre mendimeve ne hasëm edhe të atilla si për shembull studentë qe nuk e gjenin aspak të vështirë këtë periudhë. Përkundrazi ato këmbëngulnin që studentët duhet të ishin të aftë të përballonin dhe të mos e shihnin atë si një pengesë por si një stimul për të vazhduar me një ritëm më dinamik.

Duke vazhduar me këtë anketim ne hasëm edhe në të atilla raste ku shumë studentë nga ky universitet nuk e shihnin si problem  të vetëm mbingarkesën gjatë sesionit të provimeve dhe kolokviumeve por gjithashtu edhe mbingarkesën me lëndë që sipas mendimit të tyre nuk janë të nevojshme që të mësohen. Disa nga ato ngriten zërin dhe shprehën këto mendime:

·         Disa nga lëndet që ne i mësojmë nuk i përkasin aspak drejtimit tonë dhe kjo është arsyeja që nuk na lejon të kyçemi në të.

·         Mendoj se janë të mjaftueshme lëndët profesionale kështu që nuk është aspak e arsyeshme të mësohen lëndë të përgjithshme

Këto mendime u kundërshtuan nga pala tjetër e studentëve duke thënë se çdo lëndë është e nevojshme që të mësohet por do të ishte mirë dhe më lehtësuese për studentët, nëse do të gjindej  një zgjidhje. Zgjidhja më e arsyeshme do të ishte që për ato lëndë të cilat studentët i quajnë si më pak të “nevojshme” të testoheshin para ose pas lëndëve tjera. Gjithashtu një zgjidhje e mirë mund të quhet që këto lëndë të jenë në formë të lëndëve zgjedhore ku studentët e pakënaqur në vend të tyre të zgjedhin lëndë profesionale plotësuese.

Si çështje e tretë për të cilën studentët shprehën dëshirën të diskutojnë ishte edhe kualiteti i misimdhënies në Universitetin e Europës Juglindore. Për këtë çështje studentët nuk kishin aspak ankesa. Përkundrazi, përgjigjet e tyre rezultuan me një qëndrim më se pozitiv.

• Ata janë të kënaqur me mënyrën e mësimdhënies dhe bashkëpunimit ndërmjet studentëve dhe profesorëve.

• Studentët mendojnë se në këtë universitet përdoren metoda të sofistikuara dhe më bashkëkohore.

• Marëdhëniet student – profesorë janë një nga gjërat që e dallojnë këtë universitet nga universitetet tjera të vendit tonë.

• Një nga gjërat që i bën studentët të krenohen që janë pjesë e këtij universiteti është edhe fakti që në këtë ambient studiohen lëndë dhe drejtime me renome te lartë.

Bisedimet e shumta me studentët na njoftuan edhe me një ankesë për të cilën nuk është diskutuar deri më tani. Edhepse viti akademik në Universitetin e EJL-it niste më 22 shtator 2009, vendosja e shumicës së studentëve nëpër konvikte u bë me datë 1 tetor. Krahas kësaj pagesa e konviktit filloi që nga muaji shtator. Shuma mund të themi se ishte deri diku e përgjysmuar por sërisht është e lartë për vetëm 9 ditë.

Duhet marrë në konsideratë se në këtë universitet shkollohen edhe studentë të cilët nuk kanë gjendje të mirë financiare, dhe se harxhimet vjetore të studentëve larg familjes janë shumë më të mëdha në krahasim me studentët të cilët studiojnë në qytetin e tyre. Studentët mendojnë se universiteti jonë duhet të jetë më tolerant duke u mundësuar të gjithëve të jenë pjesë e këtij arsimimi bashkëkohor.

Ana pozitive e universitetit qëndron në atë se ka donacione prej shteteve të ndryshme të cilat studentët i marrin në formë të bursave. Shkaku që numri i tyre është i kufizuar jo të gjithë studentët nevojtarë mund ta shfrytëzojnë këtë mundësi. Poashtu studentët nuk janë në gjendje ti plotësojnë kushtet për përfitimin e bursave. Si shkak i shpeshtë është se studenti duhet të jetë shtetas i Maqedonisë, mirëpo Universiteti i EJL-it përfshin edhe studentë nga shtetet fqinje dhe më larg. Emancipimi si faktor themelor dhe i nevojshëm për integrimin e shoqërisë bazohet në universitetet e suksesshme ndër të cilat dallohet edhe universiteti jonë, prandaj ai duhet të ofrojë sa më shumë mundësi me qëllim që të arrijë deri në një rritje të numrit të studentëve të ardhshëm.

Duke u bazuar në këtë anketim mund të themi se Universiteti i Evropës Juglindore është një portë e hapur drejt ardhmërisë e cila është e gatshme që në mënyrë permanente të evitojë mangësitë dhe të përmbush vizionet e studentëve.

                                                                                                                         ServetBakalli 
                                                                               Dorontina Reçi
Valnesa Bizati