Unioni i Studentëve të UEJL pjesëmarrës në Students Rectors Conference – SRC

SRC do organizohet prej 19. deri më 23. prill 2010 në Ljublanë dhe do të jetë takimi më i madh akademik i studentëve dhe përfaqësuesve univerzitarë në regjion. Komiteti organizativ pret që më tëpër se 300 pjesëmarrës të jenë pjesë e Konferencës së Studentëve dhe Rektorëve. Pjesmarrësit do të jenë aktiv në disa fusha të ndryshme duke filluar nga debatet akademike, punëtoritë në tema të ndryshme (ëork-shops) e deri më sport dhe kulturë. Unioni i Studentëve të UEJL-së do të përfaqësohet nga 20 përfaqësues, kryesisht nga studentë të cilët kanë afinitet në fjalime publike dhe posedojnë notë mesatare të lartë. Do të debatohet në 6 tema të ndryshme, për secilën temë është formuar grup prej 3 studentëve të cilët do të përqëndrohen dhe do të pregaditen për debat vetëm për një temë të caktuar. Unioni i Studentëve të UEJL-it, si partner i jashtëm në këtë organizim, do të ketë mundësinë që të udhëheq dhe të moderojë një temë të caktuar.  

Qëllimi kryesor i projektit është që të takohen studentët e regjionit dhe të stimulohet bashkpunimi ndërmjet studentëve të vendeve të ndryshme të Europës Jug-Lindore, të përshpejtohet procesi i lëvizshmërisë në regjion dhe të formohen organizatat e institucionalizuara studentore ku ky lloj i pjesëmarrjes studentore akoma nuk ekziston. Ky projekt është i një rëndësie të lartë, nëse e shikojmë atë në kontekst të procesit të euro-integrimit. Është fakt që vetëm nëpërmjet të participimeve demokratike të të gjitha strukturave të shoqërisë në proceset e vendimmarjes, mund të sjellin rezultate të volitshme dhe mund të kontribuojnë në zhvillimin aktiv dhe të shëndetshëm të komunitetit. Kualiteti i diturisë është fusha mbi të cilën ne dëshirojmë që ti ndërtojmë sistemet studentore të pjesëmarrjes demokratike dhe bashkpunimit për një të ardhme më të mirë të komunitetit.

Struktura e konferencës përfshin disa fusha të aktiviteteve (debate akademike, sport, kulturë, mbrëmje zbavitëse, etj ..) të cilat mundësojnë që të gjithë pjesmarrësit të shprehen aty ku ata mendojnë që kontributi i tyre do të jetë më i levërdishëm. Vizioni i secilit individ do të paraqesë fuqinë dhe programin e tërë konferencës, konkluzat e të cilës do të vërehen  gjatë përfundimit. Debatet akademike do të mundësojnë studentët pjesmarrës që të shprehin opinionet e tyre, ti sqarojnë idetë dhe të ndajnë me të tjerët eksperiencat e tyre në fushën e bashkpunimit ndërmjet studentëve, Univerzitetit dhe Shtetit. Me rëndësi është që të potencohet se qëllimi kryesor i konferencës nuk është që të bisedohet për problemet e njohura, por të gjinden dhe prezentohen zgjidhje të këtyre problemeve. Pjesmarësit tanë do të mundësojnë perspektiva të ndryshme të zgjidhjeve si dhe perspektiva të ndryshme të qëllimeve që duhet realizuar nga metodat e propozuara gjatë SRC-së.

Fjalori bazik i SRC-së është i përfaqësuar nga frazat e mobilitetit, pjesëmarrjes demokratike, integrimit evropian, multikulturalizmit, bashkpunimit ndërkombëtarë dhe kualitetit të edukimit.

           Fisnik Oseku